Höfundur: Jón Steinar Gunnlaugsson

Jón Steinar Gunnlaugsson segir frá uppvaxtarárum sínum, mótun lífsskoðunar, lífsgæfu sinni og lífinu utan dómstólanna.

Hann dregur upp myndir af samferðamönnum sínum og segir frá áhugaverðum atburðum, en leggur þó mesta áherslu á feril sinn sem málflytjandi og dómari við Hæstarétt. Höfundur lýsir sérstaklega baráttu sinni gegn misnotkun valds af öllu tagi. Þá fræðir hann lesendur um lífið í Hæstarétti og hvað gerðist þar á bak við tjöldin.

Hann segir frá vinnubrögðum sem þar tíðkast og kynnum sínum af öðrum dómurum. Þar kemur margt á óvart. Jón Steinar hefur ætíð verið óhræddur við að segja skoðun sína, jafnvel þótt hún kunni að fara gegn viðteknum viðhorfum eða vera í andstöðu við afstöðu stjórnvalda hverju sinni.

Bókin er hafsjór fróðleiks fyrir alla þá sem láta sig meðferð dómsmála varða og raunar alla þá sem áhuga hafa á þjóðmálum almennt. Hér nýtur skýr hugsun og stíll höfundarins sín vel og úr verður stórfróðleg og sérlega læsileg bók.

ATH. Hljóðbókin er aðeins til á geisladiski (CD eða Mp3) sem er afhentur í pósti eða sóttur í Bókabúð Forlagsins. Hér má finna hljóðbækur okkar sem eru aðgengilegar rafrænt í streymi.