Höfundur: Rut Káradóttir

Rut Káradóttir hefur um árabil verið leiðandi í íslenskri innanhússhönnun og mótað ásýnd fjölda heimila og fyrirtækja innanstokks.

Hönnun hennar markast af skýrum línum, ríkulegu formskyni, hlýju og áherslu á vönduð efni og vinnubrögð. Manneskjan er í forgrunni, upplifun hennar og vellíðan þar sem öll skilningarvit eru virkjuð til að skapa gott umhverfi.

Í Inni sýnir Rut hvernig hugsun hennar og aðferðir birtast jafnt í heildarhönnun heimila og fyrirtækja sem einstökum herbergjum og rýmum. Hvernig fegra má umhverfið og hvernig einfaldar lausnir breyta heimilinu. Þetta er ómissandi bók fyrir allt áhugafólk um hönnun.