Höfundur: Halldór Laxness

Íslandsklukkan er eitt helsta skáldverk Halldórs Laxness og sú sögulega skáldsaga sem fastast hefur greypst í íslenska þjóðarvitund og mótað hana.

Jón Hreggviðsson, kotbóndi á Kristsjörðinni Rein á 17. öld, er tekinn höndum fyrir að stela snæri og í baráttu sinni fyrir réttlæti flækist hann inn í hörð átök um framtíð Íslands, þar sem í forgrunni eru handritasafnarinn Arnas Arnæus og hið ljósa man, Snæfríður Íslandssól, og örlagaþrungin ástarsaga þeirra.

Íslandsklukkan var fyrst útgefin á árunum 1943-1946. Hún er ein áhrifamesta og útbreiddasta skáldsaga Halldórs og hefur hvarvetna vakið mikla hrifningu og aðdáun.

Þessi útgáfa sögunnar er með venjulegri nútímastafsetningu og orðskýringum, en hvoru tveggja er ætlað að gera hana aðgengilegri fyrir lesendur.