Höfundur: Sölvi Tryggvason

Það er á engan hallað þegar fullyrt er að Jón Páll Sigmarsson hafi verið þekktasti sonur Íslands þegar hann lést 16. janúar 1993. Ekki aðeins verður hann um aldur og ævi þjóðhetja á Íslandi, heldur á hann enn í dag dygga aðdáendur víða um heim.

Í þessari ævisögu er varpað ljósi á hvaða mann Jón Páll hafði að geyma, auk þess sem helstu afrekum hans og tilþrifum er gerð góð skil. Sölvi Tryggvason kynnti sér æviferil Jóns Páls, sem fjórum sinnum varð sterkasti maður heims. Sölvi ræddi við fjölmarga sem þekktu Jón Pál, allt frá æskuárum í Árbænum og í Stykkishólmi.

Hér er á ferðinni bók um einstaka þjóðhetju sem dó í blóma lífsins.