Metsölubókin Kona tímaflakkarans er komin út á íslensku. Bókin sem er með óvenjulegri ástarsögum síðari ára segir frá sambandi Henrys og Clare. Þau hittust fyrst þegar Clare var sex ára en Henry þrjátíu og sex en giftu sig þegar Clare var tuttugu og tveggja en Henry þrítugur. Hvernig má það vera? Vegna erfðagalla flakkar Henry um tíma án þess að fá rönd við reist. Kona tímaflakkarans fjallar á hjartfólginn og ógleymanlegan hátt um erfiðleikana sem koma upp er Henry og Clare reyna að lifa eðlilegu lífi saman þrátt fyrir að tíminn geti skilið þau að hvenær sem er, hvar sem er.

Þór Tryggvason þýddi, bókin kom út hjá Stílbroti.