Nýjar bækur í hverri viku!

Konungur Norðursins

Gerð ÚtgáfuárSíðurVerðMagn
Innbundin 2007 - Verð 1.650 kr.
spinner

Konungur Norðursins

Valur Gunnarsson

Verð 1.650 kr.

Gerð ÚtgáfuárSíðurVerðMagn
Innbundin 2007 - Verð 1.650 kr.
spinner

Um bókina

Konungur norðursins eftir Val Gunnarsson (2007) er harmsaga Ilkka Hämälainen sem vinnur við ræstingar í farþegaferjum í Helsinki. Hann er tæplega þrítugur, feitur, þunglyndur og einmana og þrátt fyrir hálfvolga jógaiðkun og regluleg skot í afgreiðslustúlkum bendir ekkert til annars en að hann hafi lifað sitt fegursta. En þegar hann ákveður eitt kvöldið að lokinni vaktinni að verða eftir í ferjunni og drekka sig fullan tekst honum óafvitandi að slaga inn í árþúsunda gamla atburðarás. Ilkka finnur sig skyndilega knúinn til að halda norður á bóginn til að hafa uppi á Brísingameninu sem getur fært mönnum ástina og sverði Freys sem færir mönnum eilíft líf. En er annað einhvers virði án hins? Og hvaða afl hefur tekið sér bólfestu í Ilkka og berst nú við hann um yfirráð yfir líkama hans?

Valur Gunnarsson hefur með Konungi norðursins skapað rammheiðinn „norðra“. Í myndrænni og magnaðri sögu leikur hann sér með ævafornar goðsagnir, fléttar listilega saman fornnorrænan edduarf, finnskar þjóðsagnir úr Kalevala, samískan galdur og veruleika hins vestræna nútímamanns; hér fara menn sálförum milli þess sem þeir fá sér hamborgara og bjór. Sagan fer á milli árþúsundanna frá einu sviði til annars og smám saman æsist leikurinn uns norðar verður ekki komist og lokauppgjörið bíður.

Valur Gunnarsson hefur á undanförnum árum vakið athygli fyrir skrif í Reykjavík Grapevine og fleiri blöð, hér á landi og erlendis. Hann hefur stundað nám í sagnfræði og ritlist og búið víða um lönd, meðal annars lengi í Finnlandi. Konungur norðursins er fyrsta skáldsaga hans.

,,Konungur norðursins er í alla staði stórskemmtileg bók, þrælfyndinn og áhugaverður norðri."
Börkur Gunnarsson / Viðskiptablaðið

,,Glæsilegt fyrsta verk höfundar."
*** Jakob Bjarnar Grétarsson / Fréttablaðið

,,Þetta er frumleg bók og býsna skemmtileg, djörf."
Egill Helgason / Kiljan

,,Þetta er fyrsta skáldsaga Vals Gunnarssonar og sjá má metnaðarfullan sagnamann stíga fram.”
Soffía Bjarnadóttir /Morgunblaðið

,,Það gerast óvæntir hlutir undir lok sögunnar og rétt að gefa ekki neitt upp, en fléttan gengur fullkomlega upp þótt maður efist kannski um að það sé mögulegt á tímabili. Þessi skáldsaga er mjög metnaðarfull frumraun.”

*** Jón Yngvi Jóhannsson / Ísland í dag / Stöð 2

 




Tengdar bækur

Illska
Illska
Verð frá 990 kr.
Dimmar rósir
Verð frá 990 kr.
Makalaus
Verð frá 690 kr.
Heiður
Heiður
Verð frá 990 kr.
Örninn og Fálkinn
Örninn og Fálkinn
Verð frá 990 kr.
Hringiðan
Hringiðan
Verð 3.290 kr.

Opnunartímar í Bókabúð Forlagsins:

Virka daga kl. 10-18
Laugardaga kl. 11-16
Sími í verslun á Fiskislóð 39: 575 5636

Fylgstu með á facebook!

2021 © Forlagið | Bræðraborgarstíg 7, 101 Reykjavík | Sími 575 5600 | forlagid@forlagid.is | www.forlagid.is

INNskráning

Nýskráning

nýskráning