Kóralína er nýflutt með foreldrum sínum í íbúð sem hefur tuttugu og níu glugga og fjórtán dyr. Að þessu kemst Kóralína þegar hellirignir og hún getur ekki verið úti. Þrettán dyranna er hægt að ganga í gegnum en þær fjórtándu opnast að hlöðnum vegg. Einu sinni þegar Kóralínu leiðist opnar hún dyrnar og veggurinn er horfinn. Í stað hans blasir við íbúð alveg eins og hennar – eða næstum því. Þangað inn stígur Kóralína og um leið inn í skrýtinn heim sem erfitt reynist að losna úr.

Kóralína er einstök saga um hugrakka stelpu sem farið hefur sigurför um heiminn og gerð var eftir vinsæl kvikmynd. Höfundurinn, Neil Gaiman, er þekktur fyrir frumlegar skáldsögur og myndasögur fyrir alla aldurshópa en Kóralína er fyrsta bókin sem hann skrifar sérstaklega fyrir börn.

Margrét Tryggvadóttir þýddi.