Höfundar: Hanne-Vibeke Holst, Halldóra Jónsdóttir þýddi

Charlotte Damgaard er tveggja barna móðir á fertugsaldri sem býr sig undir að flygja manni sínum til starfa í Afríku – þegar síminn hringir að kvöldlagi rétt fyrir jól. Á línunni er forsætisráðherra Dana og býður henni að setjast í stól umhverfisráðherra.

Charlotte nýtur hylli sem ráðherra og brátt er farið að nefna hana krónprinsessu flokksins. En það er ekki einfalt að vera ung kona á ráðherrastóli og innan skamms fer að bersta í hjónabandinu jafnt og sálarlífinu: Umhverfisráðherrann verður að spyrja sjálfa sig til hvers sé barist, hvort hugsjónir hennar og valdið til að hrinda þeim í framkvæmd sé þess virði að öllu sé fórnað.

Krónprinsessan hlaut frábæra dóma í heimalandinu enda er hér á ferð tímabær og áleitin saga um konu á framabraut, um miskunnarleysi fjölmiðlanna og hugsjónir sem víkja fyrir hagsmunum – eða stundum öfugt.

Halldóra Jónsdóttir þýddi.