Höfundar: Eva Mjöll Einarsdóttir, G.Dagbjört Guðmundsdóttir, Heiðrún Erla Guðbjörnsdóttir, Sigurlaug Elín Þórhallsdóttir

Bókin Leikskólaföt frá Prjónafjelaginu geymir uppskriftir að fallegum flíkum handa börnum á leikskólaaldri, bæði fyrir byrjendur og lengra komna prjónara – sumar einfaldar og hefðbundnar en aðrar flóknar og frumlegar.

Flíkurnar henta íslenskum aðstæðum; markmiðið er að þær séu hlýjar og þægilegar, að hægt sé að vera í þeim bæði úti og inni, og ekki síst að börnin geti klætt sig í þær sjálf.

Flestar uppskriftirnar miðast við að nota megi tvenns konar garn, annars vegar innflutt og hins vegar íslenska ull sem er bæði hlý og vönduð, og oftast ódýrari kostur.

Í Prjónafjelaginu eru vanar prjónakonur sem hafa allar stundað prjónaskap um árabil.