Höfundar: Anne B. Ragde, Silja Aðalsteinsdóttir þýddi

Torunn fer að vinna hjá Margido föðurbróður sínum og læra útfararstjórn, honum til mikillar gleði. Á sama tíma er hún að gera upp gamla húsið á Neshov.

Tormod gamli, maðurinn sem hún kallar afa, er ánægður á hjúkrunarheimilinu en varnarlaus gegn minningunum sem sækja að honum og þverneitar að heimsækja Torunni. Á Neshov lifði hann djúpa niðurlægingu og vill aldrei sjá þann stað aftur.

Í Kaupmannahöfn er Erlend líka að gera upp hús; hann sér um endurreisn æskuheimilis Krumme þar sem þeir ætla að setjast að með börnunum sínum þremur og barnsmæðrum.

Lífsnautnin frjóa er fimmta bókin í fjölskyldusögunni sem hófst í Berlínaröspunum og vinsæl sjónvarpsþáttaröð var gerð eftir. Anne B. Ragde er einn mesti metsöluhöfundur Norðmanna og bækur hennar njóta vinsælda víða um heim.

Silja Aðalsteinsdóttir þýddi.