Þú ert hér://Mæja Spæja – Útvarpsleikhúsið

Mæja Spæja – Útvarpsleikhúsið

Höfundur: Herdís Egilsdóttir

Mæja spæja fær spæjaragræjur í afmælisgjöf. Á sama tíma ræna glæpamennirnir Tómi og Klári tíu milljónum úr Þjóðarbankanum og fela peningana. Mæja spæja er sniðug  og athugul stelpa og fer að æfa sig í að spæja með spæjaragræjunum sínum. Leiðir glæponanna og Mæju liggja saman á mjög dularfullan hátt.

Tekst Tóma að kaupa sér sportbíl, Playstation þrjú og sólarferð til Benidorm fyrir ránsféð? Tekst Klára að gabba Tóma og verða ríkasti maður á Íslandi? Og  síðast en ekki síst, tekst Mæju spæju að spæja svo mikið að hún upplýsi alvöru glæpamál? Þessum spurningum og mörgum öðrum verður svarað í spennuþáttunum um hana Mæju spæju.

Leikritið er í 9 þáttum.

Herdís Egilsdóttir, höfundur sögunnar um Mæju spæju er fædd á Húsavík 1934. Hún á að baki farsælan feril sem kennari, lengst af í Ísaksskóla. Þar þróaði Herdís kennsluaðferðina Kisuland sem er kennsluaðferð í samfélagsfræði. Árið 1998 hætti Herdís kennslu til þess að sinna því að breiða út kennsluaðferð sem hún kallar Landnámsaðferðina. Hún hefur auk þess samið bækur, leikrit, útvarps- og sjónvarpsþætti. Herdís hefur hlotið fjölda verðlauna og viðurkenninga fyrir verk sín og störf.

Sigrún Edda Björnsdóttir er höfundur leikgerðarinnar um Mæju spæju og hefur hlotið fjölda viðurkenninga sem leikkona og höfundur.

ATH. Hljóðbókin er aðeins til á geisladiski (CD eða Mp3) sem er afhentur í pósti eða sóttur í Bókabúð Forlagsins. Hér má finna hljóðbækur okkar sem eru aðgengilegar rafrænt í streymi.

Verð 1.755 kr.

Gerð SíðurÚtgáfuárVerðMagn
HljóðbókCD2007 Verð 1.755 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: /