Höfundur: Guðbergur Bergsson

Næstum öll hugsun snerist um mömmu, það að geta fundið áorðum hennar eða séð á svipnum, hvort hún hefði fyrirgefið mér eða væri ennþá reið eða búin að gleyma að ég stalst í kaffið og laug og sveik sannleikann. Ég sá hvorugt. Þegar hún talaði við mig heyrðust mér orðin vera með eðlilegum hljóm, en þau aðskildu okkur með órjúfanlegri þögn.

Músin sem læðist er fyrsta skáldsaga Guðbergs Bergssonar. Hún kom út árið 1961 og hlaut mikið lof gagnrýnenda. Á yfirborðinu er frásögnin næm og miskunnarlaus lýsing á unglingsdreng sem elst upp í kæfandi umhverfi undir eftirliti strangrar og óbilgjarnar móður. En allt eins má segja að hér sé fjallað um hverskyns kúgun og vald og hvernig hinn kúgaði lærir leikreglurnar, færir sér í nyt – og ánetjast þeim að lokum.