Höfundur: Anna Gunnhildur Ólafsdóttir

Niko er nýorðinn fjórtán ára þegar borgarastyrjöld brýst út í Sarajevo þar sem hann býr. Um leið og borgin er lögð í rústir hrynur sá veruleiki sem Niko hefur búið við, engum er lengur treystandi, bestu vinir geta allt í einu staðið handan við óskiljanlega víglínu. Þegar ástandið er orðið óbærilegt fá Niko og mamma hans tækifæri til að flýja borgina og eygja von um að komast úr landi. En ævintýrum mæðginanna er ekki lokið þó að Sarajevo sé að baki. Hér er skrifað af innsýn og nærfærni þess sem kynnst hefur hlutskipti flóttamanna í starfi sínu og einkalífi.