„Og hvað ætti kona eins og hún Bíbí, sem er hugguleg og hefur verið að bralla eitthvað í útlöndum, að vilja tala við þig? Kona sem er með gullbrúna húð og ber sig eins og frönsk kvikmyndahóra. Hvað segir þú við þannig konu, hvað töluðuð þið vinkonurnar um? Þú hefur kannski farið að væla undan mér, henni hefur þótt það skemmtilegt trúi ég, en sagðir þú hennir frá því sem þú gerðir? Sagðirðu henni að þú hefðir drepið fyrir mér sjónvarpið í gærkvöldi? Sagðirðu henni það?“

Þegar Dóróthea býst til að horfa á sjónvarpsfréttirnar föstudagskvöldið 12. nóvember 1976 ætlar fyrst að kvikna í tækinu en síðan slokknar endanlega á því. Um þetta leyti var auðveldara að verða sér úti um kjarnorkuvopn á Íslandi en litasjónvarp svo að eiginmaðurinn Ríkharður ákveður að leita til Baldurs á neðri hæðinni sem hefur ráð undir rifi hverju. Baldur lofar engu en fær Þórodd, son Dórótheu og Ríkharðs, með sér í vinnuferð. Sú ferð verður afdrifarík fyrir allan stigaganginn.

Nóvember 1976 er glettin og marglaga saga frá liðnum tíma, nálægum en þó svo furðulega fjarlægum.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 6 klukkustundir og 24 mínútur að lengd. Haraldur Ari Stefánsson les.