Höfundur: Biblíur

Biblían er höfuðrit kristinna manna og ómetanlegt veganesti á lífsins leið. Þrátt fyrir það hefur bók bókanna ekki verið til sem hljóðbók á Íslandi fram að þessu. Hér lesa Guðrún Ásmundsdóttir, sr. Hjörtur Pálsson, hr. Karl Sigurbjörnsson, hr. Sigurbjörn Einarsson, Þórunn Hjartardóttir, Ævar Kjartansson og sr. Örn Bárður Jónsson Nýja testamentið sem kom út í nýrri þýðingu árið 2007. Mjög hefur verið vandað til verka við vinnslu hljóðbókarinnar sem er í fallegum kassa.

Í Biblíunni er að finna menningarlegan og siðferðislegan grunn Vesturlanda og því er mikill fengur að útgáfunni sem gerir enn fleirum kleift að kynnast guðspjöllum Matteusar, Markúsar, Lúkasar og Jóhannesar. Þá eru öll bréf Nýja testamentisins lesin, m.a. Rómverjabréfið, bréf Páls postula og Péturs, bréf Jóhannesar, bréf Jakobs og bréf Júdasar.

Hljóðbókin er vistuð í MP3-skrám á tveimur geisladiskum sem hægt er að spila í tölvum, flestum DVD-spilurum og Daisy-spilurum auk þess sem afrita má skrárnar yfir á MP3-spilara, s.s. iPod. Lesturinn tekur rúmar 24 klukkustundir.

Hér má hlýða á hr.  Sigurbjörn Einarsson lesa