Höfundur: Jón G. Snæland

Í þessari bók er fjallað um lítt þekktar og áhugaverðar ferðaleiðir um landið, einkum á hálendinu.

Bókinni er skipt í nokkra kafla eftir landsvæðum. Sprengisandsleiðir fara með lesandann um spennandi leiðir sem liggja út frá Sprengisandi. Í Fjallabaksleiðum er farið um ýmsar leiðir norðan Mýrdalsjökuls og Jöklaleiðir fara með okkur um jökla landsins, einkum Langjökul og Vatnajökul.

Í síðasta kafla bókarinnar eru loks ýmsar fáfarnar leiðir víðs vegar um land. Alls eru lýsingar á rúmum 40 leiðum í bókinni. Kort fylgir hverri leið og í bókinni er aragrúi ljósmynda.

Loks eru hagnýtar upplýsingar um hverja leið fremst í hverjum kafla. Í inngangi bókarinnar eru miklar almennar upplýsingar um ferðalög á hálendinu, hvað ber að varast og hvað er nauðsynlegt að hafa með í farteskinu.