Höfundur: Christopher Paolini

Myrkur fellur á – örvænting grípur um sig – hið illa ræður ríkjum

Eragon og Safíra, drekinn hans, hafa nýlokið við að bjarga Vörðunum frá tortímingu; en Verðirnir eru hópur uppreisnarmanna gegn Galbatorix, hinum grimma konungi Veldisins. Síðan þarf Eragon að halda til Ellesméra, lands álfanna, til að hljóta frekari þjálfun sem drekariddari; í töfrum og vopnfimi. Þar með tekst hann á hendur einstaka ferð, kynnist áhrifamiklum stöðum og fólki og dagarnir eru hver öðrum ævintýralegri. En upplausn og svik leynast víða og ekkert er eins og það sýnist. Brátt veit Eragon ekki lengur hverjum hann getur treyst.

Á meðan þessu fer fram neyðist Roran frændi hans til að heyja baráttu á öðrum vettvangi – og sú barátta gæti stefnt Eragon í enn meiri hættu.

Ber svartur hnefi konungs niður alla mótspyrnu? Á baráttan gegn honum eftir að kosta Eragon lífið?