Höfundar: Inga Dóra Björnsdóttir, Ólöf Sölvadóttir

Sem eskimóinn Olof Krarer ávann hún sér frægð og frama með uppspunninni ævisögu sinni, ferðaðist víðsvegar um Bandaríkin og tókst að halda blekkingaleiknum áfram í upp undir þrjá áratugi og flytja um 2500 fyrirlestra.
Inga Dóra Björnsdóttir segir hér frá ævintýralegu lífshlaupi Ólafar. Hún greinir frá æsku hennar og uppruna, lífinu í Kanada og Bandaríkjunum, samferðamönnum og tíðaranda, ekki síst áhuga Bandaríkjamanna á norðurslóðum og kapphlaupinu á norðurpólinn. Þá er grafist fyrir um orsakir þess að Ólöf komst upp með að þylja ósannindi á opinberum vettvangi árum saman. Af hverju var hún tekin trúanleg? Og hvers vegna komu þeir sem betur vissu ekki upp um hana?

Bókin var tilnefnd til Íslensku bókmenntaverðlaunanna árið 2004.