Höfundur: Lauren Oliver

Gamla Lena er úr sögunni.
Ég gróf hana.
Ég skildi hana eftir hinum megin við girðingu, handan við vegg af reyk og eldi.

Lena fórnaði fyrra lífi sínu fyrir Alex en glataði honum á flóttanum yfir landamærin. Í Óbyggðum berjast félagar frelsishreyfingarinnar gegn ríki þrúgandi reglu og aga þar sem fólk er læknað með hörku af ástinni.

Lena stendur frammi fyrir vali: Á hún að taka þátt í uppreisninni? Er til einhvers að berjast fyrir frelsi til að elska þegar sá sem maður elskar er að eilífu horfinn?

Óreiða er æsispennandi framhald Óra, fyrstu bókarinnar í þríleik Lauren Oliver um sjúkdóminn ást.

Magnea J. Matthíasdóttir þýddi.