Höfundur: Stephen King

Í Örlögum er sagt frá Dolores Claiborne, miðaldra konu sem situr fyrir framan lögreglustjórann í heimabæ sínum og útskýrir af hverju og hvernig hún myrti eiginmann sinn 30 árum fyrr.

Lögreglan hefur hins vegar meiri áhuga á að vita hvað gerðist daginn áður þegar Vera Donovan vinnuveitandi Dolores til margra ára lést við grunsamlegar aðstæður.

Stephen King er löngu heimskunnur sem meistari spennusagnanna, og mörg verka hans hafa áður verið þýdd á íslensku, m.a. Átta gata buick sem kom út í kilju í apríl á þessu ári.

Honum bregst ekki bogalistinn frekar en fyrri daginn í þessari kyngimögnuðu sögu og heldur lesendum sínum föngnum frá fyrstu síðu. Eftir bókinni hefur verið gerð kvikmynd sem naut mikilla vinsælda og sló leikkonan Kathy Bates eftirminnilega í gegn í henni.