Höfundur: Mikael Niemi

Ein vinsælasta og dáðasta skáldsaga síðari ára á Norðurlöndum. Af fádæma frásagnargleði er sagt frá æsku og uppvexti drengjanna Matti og Niila sem búa í smábænum Pajala á landamærum Svíþjóðar og Finnlands.

Þar búa þeir í hverfinu Vittula, Píkumýri, sem svo heitir til að hylla kvenlega frjósemi. Síðan heldur rokkið innreið sína í þetta samfélag sem áður var mótað af ströngum siðaboðskap mótmælendasöfnuða og þá er fjandinn laus.

Sagan hlaut helstu bókmenntaverðlaun Svíþjóðar, Augustpriset, árið 2000, og var tilnefnd af hálfu Svía til Bókmenntaverðlauna Norðurlandaráðs árið 2001.