Þú ert hér://Saga þeirra, sagan mín

Saga þeirra, sagan mín

Höfundur: Helga Guðrún Johnson

Þegar Katrín Thorsteinsson giftist Eggerti Briem vorið 1901 og þau taka við búskap í Viðey tengjast auðugar og valdamiklar fjölskyldur. Katrín er sjálfstæð kona sem lætur hjartað ráða för og storkar gildum samfélagsins. Harmræn örlög hennar móta líf dóttur hennar, heimsborgarans Ingibjargar Briem – Stellu, sem festir hvergi rætur.

Stúlkan sem hlaut nöfn móður sinnar og ömmu, Katrín Stella Briem – Kanda, segir hér sögu þeirra þriggja. Líf Köndu einkennist af sviptivindum og skörpum andstæðum. Í gegnum föðurættina tekur hún þátt í allsnægtalífi bresku yfirstéttarinnar en þess á milli fylgir hún móður sinni heimshorna á milli í rótlausri tilveru og stundum sárri fátækt. Þegar líferni Stellu kemur þeim mæðgum á götuna þarf Kanda að rífa sig upp úr örbirgðinni og hefja nýtt líf.

Úr lífsþráðum þessara þriggja kvenna spinnur Helga Guðrún Johnson margslungna örlagasögu þar sem atburðarásin er oft og tíðum ævintýralegri en í skáldskap. Hér er hulunni svipt af sögum sem lengi hafa legið í þagnargildi.

Saga þeirra, sagan mín er tilnefnd til Fjöruverðlaunanna 2014 í flokki fræðibóka.

Helga Guðrún Johnson (f. 1963) var um árabil frétta- og dagskrárgerðarmaður á Stöð 2. Hún skrifaði ævisögu Lydiu Pálsdóttur Einarsson, Lífsganga Lydiu með Guðmundi frá Miðdal, árið 1992. Helga Guðrún hefur einnig skrifað fimm bækur tengdar atvinnulífinu ásamt Sigurveigu Jónsdóttur, þar á meðal Á flugi, áfangar í sögu Flugleiða (2004) og Saga Símans í 100 ár (2006).

„Stór og mikil saga. Heillandi … aldarspegill … Bók sem ég held að margir eigi eftir að vilja drekka í sig um jólin.“
Egill Helgason / Kiljan

****
„Áhrifamikil ævisaga … Helga Guðrún hefur góða sýn yfir söguefnið og sterk tök á frásögninni … Afar áhugaverð bók.“
Guðmundur Magnússon / Morgunblaðið

„Saga þessara þriggja kvenna er með eindæmum dramatísk. Skilnaðir, lausaleiksbörn, ríkidæmi, drykkja, eldsvoðar, mannrán, ferðalög, erfiðisvinna, fátækt, sjálfsmorð, heimsstyrjaldir… þessi bók fjallar um þetta allt og meira til. Ég stóð mig að því að geta hreinlega ekki lagt hana frá mér … afbragðsævisaga … spennandi og áhugaverð, gefur góða sýn á líf einstaklinga og þjóðfélags og feikilega skemmtilega skrifuð.“
Steinunn Lilja / Sirkústjaldið

„Þetta er bók sem ég held að margir muni hafa gríðarlega gaman af að lesa … dramatík alveg eins og hún gerist best.“
Kolbrún Bergþórsdóttir / Kiljan

„… bók sem enginn ætti að láta fram hjá sér fara … frábærlega skrifuð og svo spennandi að vart er hægt að láta hana frá sér. Fyrir utan að vera persónuleg saga þriggja einstaklinga er bókin frábær aldafarslýsing og segir ótrúlega margt um kjör kvenna fyrr og nú.“
Steingerður Steinarsdóttir / Vikan

„Gríðarlega lifandi frásögn og skemmtileg … kraftmiklar og hugaðar konur.“
Óðinn Jónsson / RÚV

„Þetta er stór saga og ævintýraleg … skemmtileg saga, vel gert hjá Helgu.“
Hildigunnur Þráinsdóttir / Kiljan

„Hér er einstaklega áhugaverð og spennandi saga sett saman úr mörgum ólíkum heimildabrotum. Hún veitir sjaldgæfa innsýn í líf kvenna sem allar fóru gegn straumnum, hver á sinn hátt. Tilgangur höfundar með því að gera sögu móður og ömmu Köndu skil verður ljósari eftir því sem líður á, og varpar ljósi á hvernig örlagaþræðir spinnast milli kynslóða. Frásögnin er þægilega hófstillt þrátt fyrir þunga undiröldu og köflum mikla dramatík og sorg. Bókin er kærkomin og fróðleg heimild um líf og örlög kvenna á þessu tímabili.“
Rökstuðningur dómnefndar Fjöruverðlaunanna

* * * 1/2
„… bókin er mjög vel heppnuð í flesta staði enda er Helga Guðrún með áhugavert söguefni í höndunum sem hún rammar vel inn … Þetta er virkilega vel gert.“
Ingi Freyr Vilhjálmsson / DV

„Saga þessara kvenna er með ólíkindum og margt kemur í ljós sem áður var hulið. Bókin er ekki einasta dramatísk, spennandi og skemmtileg heldur afskaplega fróðleg ekki hvað síst um ævi og líf kvenna á sögutíma bókarinnar. Þetta er bók sem ekki má láta fram hjá sér fara.“
Ásdís Skúladóttir /

Verð 5.905 kr.

Gerð SíðurÚtgáfuárVerðMagn
Innbundin4042014 Verð 5.905 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkur: