Fyrsta bókin í Napólí-fjórleik Elenu Ferrante, Framúrskarandi vinkona, kom út á íslensku árið 2015 og sló í gegn hér á landi sem annars staðar.

Saga af nýju ættarnafni er framhald hennar og segir frá vinkonunum Lilu og Elenu. Önnur gerir það sem til er ætlast og gengur í hjónaband, á meðan hin reynir að finna sjálfa sig. Þær eru að verða fulltíða konur – og reynist það dýru verði keypt.

Höfundurinn Elena Ferrante fer huldu höfði, hefur aldrei veitt viðtöl eða komið fram, heldur segir að bækurnar tali fyrir sig sjálfar og þurfi hennar ekki lengur með. Hún er vinsælasti höfundur Ítala nú um mundir, og bækur hennar koma út á ótal tungumálum.

Brynja Cortes Andrésdóttir þýddi úr ítölsku.