Höfundar: Sigurður Sævarsson, Böðvar Leósson

Íslenskar þjóðsögur og ævintýri, gömul en samt glæný. Sagan af Hlina kóngssyni er hluti af nýrri bókaröð Töfrahurðar sem byggir á íslenskum þjóðsagnaarfi.

Sögurnar eru klæddar í nýjan búning sem höfðar til nútímabarna. Í heild verða þetta tólf sögur og munu jafnmörg tónskáld semja tónlist við þær í samvinnu við rithöfunda. Þessi bók er önnur í röðinni og í henni er sögð Sagan af Hlina kóngssyni.

Tónskáldið Sigurður Sævarsson hefur samið tónlist sem smellpassar við ævintýrið og sögumaður er Björn Thorarensen. Bókin er fagurlega myndskreytt af Böðvari Leós og á vel heima í bókahillum allra barna sem vilja kynnast einhverju nýju og spennandi. En sögurnar brúa einnig bil milli kynslóða og eru hluti af ævagömlum menningararfi.

Leikur og tónlist – geisladiskur fylgir með bókinni.