Höfundur: Erik Fosnes Hansen

Dansinn dunar um borð í Titanic, frægasta farþegaskipi allra tíma, sem lagði í apríl 1912 í sína fyrstu – og hinstu – för. Og þeir sem léku fyrir dansinum eru í aðalhlutverki í þessari margslungnu skáldsögu.

Með því að rekja örlög hljóðfæraleikaranna sjö tekst Erik Fosnes Hansen að endurskapa þá veröld sem var í Evrópu áður en byltingar og heimsstyrjaldir gjörbreyttu heiminum.

Þetta tímabil lifnar í breiðri og spennandi frásögn þar sem örlagasögur einstaklinga blandast þjóðfélagslegum umbrotum víðsvegar um álfuna.