Foreldrar Emily og Chris eru nágrannar og vinir og börnin óaðskiljanleg frá fyrstu tíð. Það kom engum á óvart þegar vinátta þeirra þróaðist í ástarsamband. Framtíðin brosir við þeim. En þegar síminn hringir um miðja nótt breytist allt. Emily er látin, skotsár á höfði hennar – og Chris á staðnum. Fingraförin hans eru á byssunni. Mun kviðdómurinn trúa því að þau hafi ætlað sér að deyja saman? Hvers vegna grunaði þá engan neitt? Og hvernig eiga foreldrar þeirra að sætta sig við að hafa ekki þekkt börnin sín? Eitt er þó víst: Sorg Chris er ósvikin.

Sáttmálinn er spennandi og innihaldsrík saga eftir metsöluhöfundinn Jodi Picoult. Eftir hana hafa komið út á íslensku bækurnar Nítján mínútur, Á ég að gæta systur minnar?, Brothætt og Reglur hússins.

Magnea J. Matthíasdóttir þýddi.

„Þetta er afburðaskáldsaga … ógleymanleg og vekur mann til umhugsunar.“
The Concord Monitor

„Það er næstum því óhugnanlegt hvað höfundi tekst vel að lýsa sálarangist unglinganna …“
New York Times

„… átakanleg saga um þráhyggju, missi og margslungna sekt. Áhrifarík bók sem er í senn glæpasaga og harmleikur.“
Kirkus Reviews