Þú ert hér://Skáldsagan um Jón & hans rituðu bréf til barnhafandi konu sinnar þá hann dvaldi í helli yfir vetur & undirbjó komu hennar & nýrra tíma

Skáldsagan um Jón & hans rituðu bréf til barnhafandi konu sinnar þá hann dvaldi í helli yfir vetur & undirbjó komu hennar & nýrra tíma

Höfundur: Ófeigur Sigurðsson

Séra Jón Steingrímsson er einn merkasti klerkur Íslandssögunnar, „eldklerkurinn“ í Skaftáreldum. Í þessari einstæðu skáldsögu kynnumst við honum sem ungum manni og fylgjumst með upphafi nútímans á Íslandi gegnum örlagaríka sögu af mótun manns og lands. Skáldsagan um Jón … er önnur skáldsaga Ófeigs Sigurðssonar.

Haustið 1755 fer Jón úr Skagafirði suður í Mýrdal. Hann liggur undir grun um að hafa myrt fyrri eiginmann Þórunnar konu sinnar og hefur hrakist úr starfi við Reynistaðarklaustur. En Suðurland er ekki fýsilegt til búsetu: Katla gýs eldi og eimyrju, Mýrdalurinn er hulinn ösku og rógurinn fylgir Jóni hvert sem hann fer. Hann sest að í helli við Reynisfjöru ásamt bróður sínum og vinnumanni og undirbýr komu konu sinnar suður. Í hellinum þarf Jón að takast á við sína innri djöfla, vonleysi og ótta með því að tengja sig við ástina, Guð og endurreisn Íslands. Jarðabætur og bréfaskriftir hans til Þórunnar eru honum lífsbjörg og sálarhreinsun. En þegar fógetinn mætir á svæðið er Jón knúinn til þess að horfast í augu við fortíð sína.

Frá 2.065 kr.

Gerð SíðurÚtgáfuárVerðMagn
Innbundin2132010 Verð 2.065 kr.
Kilja2132012 Verð 2.375 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / /

5 umsagnir um Skáldsagan um Jón & hans rituðu bréf til barnhafandi konu sinnar þá hann dvaldi í helli yfir vetur & undirbjó komu hennar & nýrra tíma

  1. Kristrún Heiða Hauksdóttir

    „Átjánda öldin gýs upp ljóslifandi með ösku og eimyrju í skáldsögunni Jón eftir Ófeig Sigurðsson. Þar segir frá atburðum sem mótuðu og hertu Jón Steingrímsson eldklerk rúmum þremur áratugum áður en hann glímdi við Skaftárelda.“
    Bergsteinn Sigurðsson / Fréttablaðið

  2. Kristrún Heiða Hauksdóttir

    „Stíllinn er hreint afbragð. … Ófeigur hefur gott vald á því sem hann er að gera og lesendur munu án efa fara með honum til löngu horfins tíma. Það eru mýmörg dæmi um meitlaðar og magnaðar setningar. … Bókin er frábærlega vel skrifuð og vekur lesandann til um hugsunar um margt. Sagan er góð en fegurð orðanna er enn betri.“
    Grímur Atlason / midjan.is

  3. Kristrún Heiða Hauksdóttir

    „… það sem er eiginlega merkilegast við þessa bók er hvernig hann stílar hana … mjög virðingarverð og heiðarleg tilraun til að gera eitthvað nýtt úr formi sögulegu skáldsögunnar. … Það má held ég vænta mikils af þessum manni.“
    Illugi Jökulsson / Kiljan

  4. Kristrún Heiða Hauksdóttir


    „Stíllinn er meistaralegur og hrífur lesandann með sér … Ótrúlega hnyttinn, stundum bráðfyndinn, á köflum ljóðrænn og alltaf tær, alltaf ferskur, sannkölluð lestrarupplifun. … Tvímælalaust ein besta skáldsaga ársins.“
    Friðrika Benónýsdóttir / Fréttablaðið

  5. Kristrún Heiða Hauksdóttir


    „… afar áhugaverð skáldsaga, frumleg og heilsteypt. Saman við aldarfarslýsinguna blandar höfundur fljúgandi fantasíu.“
    Einar Falur Ingólfsson / Morgunblaðið

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund