Höfundur: Bjarki Bjarnason

Söngurinn og sveitin eru æviminningar Guðrúnar Tómasdóttur söngkonu. Hér rekur hún lífshlaup sitt, allt frá bernskuárum sínum á Hólum í Hjaltadal þar sem hún missti föður sinn kornung.

Guðrún aflaði sér menntunar af miklum dugnaði, hálfþrítug hélt hún til söngnáms í New York og kynntist þar lífsförunauti sínum, Frank Ponzi. Þau settust að á Íslandi og stofnuðu einstakt
heimili í Mosfellsdal.

Guðrún starfaði um árabil sem söngkona og söngkennari og segir hér frá kynnum sínum af fjölmörgu
tónlistarfólki á þeim áratugum þegar íslenskt tónlistarlíf tók stórstígum framförum.