Höfundur: Þórbergur Þórðarson

Steinarnir tala er fyrsta bókin af fjórum í Suðursveitarkróníku Þórbergs Þórðarsonar.

Í þessu magnaða verki segir Þórbergur frá bernsku sinni á Hala í Suðursveit á síðustu áratugum nítjándu aldar og setur sig í spor barns sem er að uppgötva umhverfi sitt og náttúruna. Allt er lifandi í hugarheimi þess og ímyndunaraflinu eru engar skorður settar. Þórbergur lýsir af nákvæmni lifnaðar- og búskaparháttum þessa tíma, híbýlum, innanstokksmunum og tengslum fólks við náttúruna, dýrin og þá yfirnáttúrulegu krafta sem það trúði á.

Steinarnir tala er lifandi vitnisburður um horfinn heim, færður upp í veldi skáldskaparins á þann frumlega og listræna hátt sem Þórbergur Þórðarson hafði meistaratök á. Verkið hefur alla þá eiginleika sem hann sjálfur vildi að góðar bækur hefðu, það er „fræðandi, göfgandi og örvandi“.

Soffía Auður Birgisdóttir ritar formála að bókinni sem er í kiljuseríu Forlagsins, Íslensk klassík.