Höfundur: Jeffrey Kottler

Íslenskur ævintýramaður í vist hjá drottningu ástarsögunnar ­ Danielle Steel

Óvenjuleg og skemmtileg endurminningabók um ævintýramanninn Þórhall Vilhjálmsson, skráð í samvinnu við bandaríska metsöluhöfundinn Jeffrey Kottler. Þórhallur var bryti skáldkonunnar Danielle Steel í tvö taumlaus og viðburðarík ár ­ mátti gljábóna gólf, taka á móti auðjöfrum og stjörnum og allt þar á milli. Og margir voru snúningarnir kringum víetnamska verðlaunasvínið Coco, gæludýr húsfreyjunnar. Hlýleg frásögn af bruðli og sérvisku frægrar og forríkrar bandarískrar fjölskyldu frá sjónarhóli Íslendingsins. Við sögu koma einnig eiginmenn Steel, börn, vinir, starfsfólk og frægir nágrannar. Og mitt í þessari hringiðu auðs og frægðar þarf svínahirðirinn að finna sjálfan sig. Hér sést svart á hvítu að raunveruleikinn er tíðum ótrúlegri en skáldskapurinn ­ og staðfest með myndum Þórhalls frá vistinni.