Bók þessari er ætlað að fræða, skemmta og vekja furðu.

– Hvernig er best að faðma broddgölt?
– Hvað skal gera við drukkinn brúðkaupsgest?
– Þarftu að festa tölu, sneiða mangó eða dansa tangó?

Bókin geymir myndskreyttar leiðbeiningar um 500 hluti sem gott er að kunna (og 8 í viðbót sem engum heilvita manni dytti í hug að prófa).

Höfundar bókarinnar eru þekktir fyrir smekkvísi og úrræðagæði en parið Derek Fagerstrom og Lauren Smith hefur komið víða við í útgáfuheiminum. Bók þeirra hefur vakið heimsathygli og hefur verið fjallað um hana í fjölda hönnunartímarita.

Guðni Kolbeinsson þýddi.