Þú ert hér://Upp með fánann!

Upp með fánann!

Höfundur: Gunnar Þór Bjarnason

Alþingiskosningarnar 1908 voru sögulegar og örlagaríkar. Kosningabaráttan var óvægin og einkenndist af svikabrigslum. Stóra kosningamálið var sambandslagafrumvarp, uppkastið, en ýmsir óttuðust að með því yrði Ísland innlimað í Danmörku fyrir fullt og allt og útlendingum greidd leið til yfirráða yfir auðlindum þjóðarinnar. Sjálfstæði eða innlimun? Þessi spurning brann á Íslendingum.

Kosningaþátttaka sló öll met og aldrei áður höfðu svo fjölmennir stjórnmálafundir verið haldnir hérlendis. Höfuðskáld þjóðarinnar og Vestur-Íslendingar blönduðu sér í baráttuna en í aðalhlutverkum voru nokkrir af litríkustu stjórnmálamönnum fyrri ára: Hannes Hafstein, Skúli Thoroddsen, Björn Jónsson í Ísafold, Bjarni Jónsson frá Vogi og fleiri.

Gunnar Þór Bjarnason sagnfræðingur hefur pælt í gegnum mikið magn heimilda um efnið, landsmálablöð, tímarit, sendibréf og gögn í danska ríkisskjalasafninu sem ekki hafa áður verið nýtt af íslenskum sagnfræð­ingum, meðal annars dagbækur forsætisráðherra Danmerkur og óprent­aðar fundargerðir millilandanefndarinnar sem samdi uppkastið. Þessar heimildir bregða nýju og óvæntu ljósi á mikilvægan þátt í sjálfstæðisbaráttu þjóðarinnar.

Upp með fánann! hlaut tilnefningu til Íslensku bókmenntaverðlaunanna 2012 og til Hagþenkisverðlaunanna. Gunnar Þór hlaut Menningarverðlaun DV í flokki fræða fyrir bókina.

„Á engum einum stað hefur baráttan um Uppkastið verið greind með viðlíka hætti. Auk þess er textinn firnavel skrifaður. … Hún verður klassísk bók um Uppkastið og sjálfstæðisstjórnmálin; bók sem stjórnmálafræðingar, stjórnmálafræðinemar og allir áhugamenn um íslenska stjórnmálasögu eiga að lesa.“
Ólafur Þ. Harðarson / Stjórnmál og stjórnsýsla

****
Gunnar hefur skrifað vandaða bók um áhugaverðan kafla í sögu þjóðarinnar. Að baki henni liggur greinilega mikil vinna. Hann lýsir skoðunum sínum á mönnum og málefnum, en passar um leið að færa skýr rök fyrir afstöðu sinni. … Þetta er mjög fróðleg bók.
Egill Ólafsson / Morgunblaðið

„Merkisbók um merkistíma.“
Egill Helgason / Silfur Egils

„… fagnaðarefni fyrir alla sem áhuga hafa á íslenskri sögu og stjórnmálasögu sérstaklega. Hún er vönduð að öllum frágangi, höfundi og útgefanda til sóma. … {lesandinn] er leiddur áreynslulaust um refilstigu flókinna átaka sem verða eins og opin bók að lestri loknum.“
Björn Bjarnason / Þjóðmál

„Hann … segir þá sögu á mjög skemmtilegan og lifandi hátt og dregur einnig upp mynd af íslensku þjóðlífi á þessum tíma. … ég hvet alla sem vilja kynna sér Íslandssöguna og þennan þátt í henni, sem er mjög merkur, til að lesa þessa bók …“
Björn Bjarnason / ÍNN

 

Verð 2.065 kr.

Gerð SíðurÚtgáfuárVerðMagn
Innbundin3432012 Verð 2.065 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / /