Vertu þín besta vinkona

Gerð ÚtgáfuárSíðurVerðMagn
Kilja 2018 56 2.390 kr.
spinner

Vertu þín besta vinkona

2.390 kr.

Vertu þín besta vinkona
Gerð ÚtgáfuárSíðurVerðMagn
Kilja 2018 56 2.390 kr.
spinner

Um bókina

Díana Ósk Óskarsdóttir sjúkrahúsprestur hefur rannsakað birtingarmyndir meðvirkni í námi sínu við Háskóla Íslands. Hún hefur sótt þjálfun hjá Piu Melody, einum færasta sérfræðingi Bandaríkjanna á sviði meðvirkni og hefur auk þess alþjóðleg réttindi sem fíkniráðgjafi. Díana hefur áralanga reynslu sem ráðgjafi og leiðbeinandi á námskeiðum um meðvirkni. Hún er fyrrverandi formaður félags íslenskra forvarnar og fíkniráðgjafa og rekur ráðgjafaskrif¬stofuna „Ég er“. Vertu þín besta vinkona/Vertu þinn besti vinur – námskeið um meðvirkni eru hugarfóstur Díönu og hafa verið haldin um langt árabil við miklar vinsældir.

Kverið Vertu þín besta vinkona er samantekt um nokkur helstu einkenni meðvirkni. Kverið er lítið og einfalt og byggt þannig upp að fólk geti með auðveldum hætti öðlast skilning á meðvirkni. Kverið er ekki síður hugsað fyrir karla en konur, þrátt fyrir nafnið. Í kverinu skoðar Díana einkenni og birtingarmyndir meðvirkni á aðgengilegan hátt. Um er að ræða samskiptamynstur sem ekki allir átta sig á í fyrstu. Flóknar útskýringar á birtingarmyndum meðvirkni og um leið takmarkaður skilningur á eðli vandans vefst fyrir mörgum. Það að átta sig ekki á rót vandans viðheldur vanlíðan en skilningur á einkennum meðvirkni getur orðið til stigvaxandi vellíðunar og velgengni. Textinn er þannig settur fram að fólk sem veit ekkert um meðvirkni getur kynnt sér aðalatriðin og áttað sig á eigin einkennum.

Þá er kverið ekki síður fyrir öll þau sem hafa nú þegar öðlast bata frá meðvirkni en þau geta nýtt sér innihald kversins til þess að staðsetja sig hverju sinni og viðhalda bata sínum. Kverið inniheldur upplýsingar um sjálfsmynd, sjálfsmat, sjálfstraust, sjálfsvernd og sjálfsaðgát. Þar er fjallað á skiljanlegan hátt um sjálfsvirðingu, mörk, sjálfsþekkingu, að þekkja eigin veruleika, eigin þarfir og langanir og að ná því að deila sér á náin hátt með öðrum.

INNskráning

Nýskráning