Höfundur: Hallgrímur Sveinsson

Bók þessi hefur að geyma ýmsar frásagnir af Vestfirðingum, lífs og liðnum. Bæði í gamni og alvöru. En margir telja að við þurfum að hafa einhver gamanmál með allri alvörunni ef vel á að fara. Margt af því sem hér er borið á borð hefur áður sést í bókunum að vestan og víðar. En skjaldan er góð vísa of oft kveðin eins og þar stendur.

Tilgangurinn: Að vekja athygli og áhuga á Vestfjörðum og innbyggjurum þeirra fyrr og síðar. Til þess var Vestfirska forlagið einmitt stofnað. Kannski bara af hugsjón. En ekki til að græða peninga. Bók þessa köllum við Hvíta kverið.

Hallgrímur Sveinsson tók saman.