„… óskaplega spennandi ... þetta er bara algjört meistaraverk … frábær bók í alla staði. Þó að sagan sem hún segi sé býsna nöturleg – bæði sagan af stelpunni í nútímanum og bóndakonunni – þá er þetta ekki deprímerandi bók.  Henni tekst að sneiða hjá því að maður fyllist þunglyndi eða vonleysi eða bölmóði við að lesa hana. Og hún er afskaplega vel þýdd hjá Sigurði Karlssyni.“
Illugi Jökulsson  / Kiljan

„Sofi Oksanen tilheyrir nýrri kynslóð evrópskra rithöfunda sem hefur fengið það hlutverk að takast á við mestu sögulegu umskipti síðari ára, það er að segja fall Sovétríkjanna og afleiðingar þess. ... Þessi bók er sannarlega einn ánægjulegasti viðburðurinn í íslenskum bókmenntaþýðingum þetta árið."
Hjalti Snær Ægisson / Víðsjá

„... auðlesin, lúmskt fyndin, æsispennandi og gríðarlega vel skrifuð.“
Maríanna Clara / midjan.is

****
„Oksanen er sögumaður af guðs náð og tekst að draga upp sterkari og áhrifameiri myndir á nokkrum síðum en flestum öðrum tekst á fjögur hundruð síðum eða í tveggja tíma kvikmynd. … Þessi saga lifir í minninu og vekur mann til umhugsunar. Ekki bara um þjáningar kúgaðra þjóða, heldur einnig og ekki síst um það hvað það raunverulega þýðir að vera manneskja. … Mögnuð og listilega stíluð skáldsaga sem vekur spurningar og lifir lengi í huga lesandans.”
Friðrika Benónýsdóttir / Fréttablaðið

****½
„Hún er stórkostlegt skáldverk ... í hópi þeirra skáldverka sem auðga og bæta þann sem les ... Erfitt er að ímynda sér að betra skáldverk en Hreinsun komi út á íslensku á þessari bókavertíð."

Bjarni Ólafsson / Morgunblaðið

„Hreinsun er sérlega öflugt verk, vel smíðaður gripur á alla kanta, hvort sem litið er til efnismeðferðar, byggingar eða beitingar tungumáls og notkunar myndmáls, sem mitt í öllum myrkviðunum býr oft yfir lúmskum húmor.
Úlfhildur Dagsdóttir /bokmenntir.is

„Hreinsun nötrar af spennu: vel falin leyndarmál og skammarlegir verknaðir sem persónur ýmist fremja eða verða fyrir breiða sig um söguna eins og kóngulóarvefir og toga lesandann áfram.“
Hufudstadsbladet

„Hreinsun gerist á tvennum tímum í Eistlandi en þemu bókarinnar, ást, svik, vald og valdaleysi, eru tímalaus. Á óvenju nákvæmu og beinskeyttu tungumáli lýsir höfundur hvernig sagan fer með einstaklinginn og hvernig fortíðin býr um sig í nútímanum.“
Úr áliti verðlaunanefndar Norðurlandaráðs