Forlagið – vefverslun

Fréttir

SkjárEinn og blaðakonan, bloggarinn og rithöfundurinn Þorbjörg Marinósdóttir hafa undirritað samstarfssamning um gerð sjónvarpsseríu eftir bókinni Makalaus. Þessi frábæra saga hefur verið á metsölulista í allt sumar og fengið fantagóðar viðtökur – enda drepfyndin. Áætlað er að framleiðsla þáttanna hefjist síðar á þessu ári, að því er segir í tilkynningu. „Eins og í bókinni munu þættirnir sýna stefnumótamenningu landsmanna og þær skemmtilegu uppákomur sem geta skapast við þær aðstæður,“ segir Kristjana ...

Nánar

Stóra handritið komið út á bók

Það hlýtur að teljast til nokkurra útgáfutíðinda að út komi ný bók eftir Þórberg Þórðarsson! Áskrifendur í Klassíska kiljuklúbbnum munu fyrstir manna berja augum rit sem fengið hefur titilinn Meistarar og lærisveinar en bókin sú er byggð á „stóra handritinu“ hans Þórbergs sem er að líkindum uppkast að þriðja bindi skáldævisögu hans. Verkið er skrifað seint á fjórða áratugnum í kjölfar Íslensks aðals og Ofvitans en þar tekur Þórbergur ...

Nánar

Tvöfaldur skammtur af Skúla skelfi

Nú eru komnar út tvær nýjar bækur um hann Skúla skelfi. Heitir önnur þeirra Skúli skelfir rænir bankann og hin heitir Skúli skelfir vekur upp draug. Skúli er afburðasnjall en algert hrekkjusvín og svo mikill óþekktarangi að hann er eiginlega hálfgerð plága. Foreldrar hans reyna vissulega að siða hann til en án nokkurs árangurs. Skúla hefur þó hvarvetna tekist að sigra hug og hjörtu lesenda jafnt sem gagnrýnenda með stríðni sinni ...

Nánar

Heiðursorða til handa Thor

Rithöfundinum Thor Vilhjálmssyni verður veitt heiðursorða franska ríkisins, Officier de l'Ordre national du Mérite, á þjóðhátíðardegi Frakka næstkomandi miðvikudag, þann 14. júlí nk. Thor er afkastamikill þýðandi og hefur m.a. þýtt fjölda bóka eftir franska höfunda, skrifað greinar í franska dagblaðið Nouvel Observateur. Hann sat um tíma í stjórn Alliance Française á Íslandi.

Nánar

Ráðherra tekur við nýju jarðfræðikorti ÍSOR

Í vikunni afhenti ÍSOR iðnaðarráðherra nýtt jarðfræðikort af Suðvesturlandi sem nú er komið út en Forlagið annast dreifingu kortsins. ÍSOR hefur um áratuga skeið unnið að jarðfræðikortlagningu víða um land, þar á meðal á Suðvesturlandi. Jarðlög á jarðfræðikortinu spanna rúmlega 4 milljóna ára tímabil og veita góða innsýn í meginþætti í sérstæðri jarðfræði Íslands. Á kortinu eru 163 mismunandi hraun sem runnið hafa frá því að ísaldarjökull ...

Nánar