Hvítfeld
Forlagsverð:
1.490 kr.
Kaupa
AÐRAR ÚTGÁFUR
2545 kr.
295 bls.
JPV
Útgáfuár: 2012

Hvítfeld - fjölskyldusaga

Fyrrverandi fimleikastjarnan Jenna Hvítfeld hefur allt: útlitið, kynþokkann, greindina og framann. Undanfarin ár hefur hún búið í Texas, vakið athygli fyrir uppgötvanir á sviði eðlisfræði, skrifað greinar í virt vísindarit, stundað fyrirsætustörf, verið bendluð við ýmsar bandarískar stórstjörnur og sinnt móðurhlutverkinu af alúð.

Þegar systir hennar deyr fer hún til Íslands ásamt Jackie dóttur sinni. Þar hittir hún fjölskyldu sína eftir langa fjarveru og smám saman rennur upp fyrir henni að ekkert er eins og hún hélt. Gegnum ættarsögu hennar kvíslast lygin líkt og eitur og að lokum neyðist Jenna til þess að horfast í augu við fortíðina og sjálfa sig.

Smásagnasafnið Doris deyr (2010) kom Kristínu Eiríksdóttur á kortið með eftirminnilegum hætti en þá voru gagnrýnendur á einu máli um að þarna stigi fram fullþroskaður höfundur með eitt merkilegasta skáldskaparrit ársins. Nú sendir hún frá sér fyrstu skáldsögu sína, Hvítfeld – fjölskyldusögu.

Hvítfeld er tilnefnd til Fjöruverðlaunanna 2012.

**** 1/2
„… bók sem ákaflega gaman er að lesa. Bók sem maður sér eftir að hafa lesið hratt þegar síðustu blaðsíðunni er flett …“

Anna Lilja Þórisdóttir / Morgunblaðið

****
„Sögur Jennu og fjölskyldu hennar segir Kristín af fádæma öryggi og list. Jenna er ekki eini blekkingameistarinn í þessari bók, yfir henni vakir söguhöfundur sem fær lesandann til að trúa lygum og efast um sannleikann á hverri síðu. Í sinni fyrstu skáldsögu sýnir Kristín fádæma tök á forminu, það má mikið vera ef þetta er ekki upphafið að ferli stórbrotins skáldsagnahöfundar. … Frábær skáldsaga um íslenska fjölskyldu, sannleika og lygi.“
Jón Yngvi Jóhannsson / Fréttablaðið

„Mér finnst formið afskaplega vel heppnað, hnitmiðað og fágað. … Mjög fallegt.”
Fríða Björk Ingvarsdóttir / Kiljan

„Hún heldur svo vel utan um þessa þræði – hún lýgur sig inn á þetta form með undraverðum hætti. … Þetta er mjög vel gert.”
Eiríkur Guðmundsson / Kiljan

„Hún er rosalega flinkur höfundur – hvernig hún setur þessa sögu fram og hvernig hún byggir hana upp… þetta er mjög flott verk hjá henni.”
Egill Helgason / Kiljan

„… hiklaust ein af forvitnilegri skáldsögum sem komu út á síðasta ári. Þá er vert að taka það fram að hún er afar vel skrifuð og stíluð; textinn er áreynslulaus og lesturinn liðast mjúklega áfram – þó að efni sögunnar valdi því að lesandann reki á stundum hressilega í rogastans.”
Vera Knútsdóttir / bókmenntir.is

„Sagan er vönduð, vel heppnuð og sérlega skemmtileg. Uppbyggingin er snjöll og persónurnar ljóslifandi. Stíllinn og textinn eru hnitmiðaðir og táldraga lesandann. Eftirminnileg fyrsta skáldsaga höfundar sem vefur flókna örlagafléttu og afhjúpar að lokum skelfileg fjölskylduleyndarmál.“
Úr umsögn dómnefndar Fjöruverðlaunanna

„Ótrúlega skemmtileg bók … verulega krassandi.“
Guðrún Karítas Garðarsdóttir / Föstudagsþátturinn á N4

„… útfærslan og úrvinnslan eru vel hugsaðar og það er enginn byrjendabragur á þessari vel heppnuðu skáldsögu. … Það er eiginlega stórmerkilegt hvernig Kristínu Eiríksdóttur, höfundi þessarar sögu, tekst að gera allar þessar upplognu persónur svo afskaplega sannar og skapa samúð með öllum þessum lygurum.“
Ásdís Sigmundsdóttir / Víðsjá

„Persónurnar eru  breyskar og harmrænar og glíma við drauga fortíðar, fíkn, óheiðarleika og skapbresti. Syndir feðranna koma niður á börnunum, áföll sem ekki er unnið úr viðhalda óhamingjunni.  Sumt má ekki tala um en liggur grafið í minninu og eitrar úr frá sér. Um leið og sagan fjallar um persónulega harmleiki er hún samfélagsgreining, innsýn í tíðaranda, uppeldi og siðferð kynslóðanna. Spurningin er: Hættum við einhvern tímann að leika, þykjast og ljúga?”
Steinunn Inga Óttarsdóttir / wordpress.com

„…þótt Hvítfeldværi stundum óþægileg var hún það góð að ég hélt áfram að lesa þangað til hún var búin. Það var ekki fyrr en þá sem ég stillti aftur á Britney og leyfði mér að slaka aðeins á.”
Guðrún Elsa / Druslubækur og doðrantar

 

 

Höfundur: Kristín Eiríksdóttir

Fáðu þér rafbók

Nýjast | A–Ö | Verð ↓
Kristín Eiríksdóttir fæddist árið 1981 í Reykjavík. Hún hefur gefið út ljóðabækurnar Kjötbæinn 2004, Húðlitu auðnina 2006 og Annarskonar sælu 2008. Smásagnasafn Kristínar, Doris deyr, kom út 2010 og Hvítfeld fjölskyldusaga 2012. Hún hefur einnig ...
Forlagsverð: 3.990 kr.
Kaupa

Forlagsverð: 2.490 kr.
Kaupa

Nýjar bækur | Spennusögur | Barnabækur | Skáldsögur | Ljóð
karfan mín
Leita