Auður og Unnur ræða Sölku Völku í Bókahillunni

  • Höfundur: Ritstjórn Forlagsins

Bókahillan, hlaðvarp Forlagsins um bækur, höfunda og bókmenntir, er komið í loftið.

Í fyrsta þætti Bókahillunnar ræða Auður Jónsdóttir rithöfundur og Unnur Ösp Stefánsdóttir leikkona Sölku Völku eftir Halldór Laxness. Umfjöllunin spannar tvo þætti þar sem þær kafa ofan í söguna, persónurnar og samfélagið sem verkið lýsir, auk þess að ræða áhrif bókarinnar og hvers vegna hún á enn jafn sterkt erindi við lesendur í dag. Í samtalinu fara þær einnig um víðan völl og ræða bókmenntir, leikhús, sköpun og lífið sjálft.

Nýlega kom Salka Valka út í glæsilegri nýrri útgáfu hjá Forlaginu. Verkið er ein þekktasta skáldsaga Halldórs Laxness og kom fyrst út í tveimur bindum á árunum 1931–1932. Bókin hefur síðan skipað sér sess meðal mikilvægustu verka íslenskra bókmennta.

Unnur Ösp hefur fært Sölku Völku á svið í leikgerð sem hún samdi sjálf og flytur. Einleikur hennar um Sölku Völku er sýndur á Söguloftinu í Borgarnesi í samstarfi við Þjóðleikhúsið.

Fyrri þátturinn er kominn í loftið – og sá síðari væntanlegur fljótlega.

🎧 Hlusta á þáttinn

📖 Skoða bókina

🎭 Skoða sýninguna

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd