Bókaútgáfa og menningararfur

Útgáfan

Forlagið er alhliða bókaútgáfa og bókaverslun, til húsa að Fiskislóð 39 í Reykjavík. Þar starfar um 40 manna samhentur hópur við að gefa út og selja úrvalsbækur og annað efni fyrir fólk á öllum aldri.

Bókabúð Forlagsins á Fiskislóð 39

Forlagið

Forlagið gefur út bækur undir merkjum Forlagsins, Máls og menningar, Vöku-Helgafells, JPV og Iðunnar og rekur einnig metnaðarfulla kortaútgáfu. Hjá Forlaginu koma út ríflega eitt hundrað nýir titlar ár hvert; bækur af öllu tagi og gerðum og á ýmsum tungumálum. Þá kemur Tímarit Máls og menningar út fjórum sinnum á ári.

Forlagið var stofnað árið 2007 og eigandi þess er bókmenntafélagið Mál og menning. Hjá Forlaginu starfa um 40 starfsmenn. Stjórn Forlagsins skipa Halldór Guðmundsson, formaður; Örnólfur Thorsson, varaformaður; Árni Kr. Einarsson, Daníel Helgason og Ragnhildur Helgadóttir.

Árið 2023 setti Forlagið á stofn Reykjavík Literary Agency sem annast réttindasölu á íslenskum bókum til erlendra útgefenda, kvikmyndaframleiðenda og annarra aðila.

Bókabúð Forlagsins og skrifstofur eru til húsa að Fiskislóð 39, á Grandanum í Reykjavík. Þar má finna bækur allra helstu útgefenda landsins – og ekki bara þær nýjustu heldur verulegt magn eldri titla. Á Fiskislóðinni er nægt pláss fyrir allar tegundir bóka og þær fást á kostakjörum árið um kring. Í september er þar haldinn veglegur bókamarkaður.

  • Arndís og Sigrún tilnefndar til ALMA-verðlaunanna 2027

    Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

  • Síðasti dagurinn hlýtur Sólfaxa – íslensku barnabókaverðlaunin 2026

    Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

  • Nýjar raddir 2027

    Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

  • Stjörnu-Sævar og Villi Neto ræða sólmyrkva í Bókahillunni

    Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

  • Andri Snær Magnason sæmdur riddarakrossi fálkaorðunnar

    Rithöfundurinn Andri Snær Magnason, einn af höfundum Forlagsins, var sæmdur riddarakrossi hinnar íslensku fálkaorðu á þjóðhátíðardaginn fyrir skapandi störf í þágu framtíðar. Halla Tómasdóttir, forseti Íslands, sæmdi fjórtán einstaklinga heiðursmerki orðunnar við hátíðlega athöfn á Bessastöðum 17. júní. Hin íslenska fálkaorða er æðsta heiðursmerki sem íslenska ríkið veitir. Andri Snær hefur á löngum og farsælum…

  • Vilhjálmur Pétursson fagnaði sigri í Nýjum röddum

    Það var glatt á hjalla þegar vinir og velunnarar komu saman til að fagna sigri Vilhjálms Péturssonar í handritasamkeppni Forlagsins, Nýjum röddum. Sigurverk hans, Harðindi, er jafnframt fyrsta bók hans. Smartland fjallaði um fögnuðinn og birti myndir frá honum. Í Harðindum leggur Steinn ríðandi af stað úr bænum, staðráðinn í að snúa aldrei aftur. Lífið…

  • Auður og Unnur ræða Sölku Völku í Bókahillunni

    Bókahillan, hlaðvarp Forlagsins um bækur, höfunda og bókmenntir, er komið í loftið. Í fyrsta þætti Bókahillunnar ræða Auður Jónsdóttir rithöfundur og Unnur Ösp Stefánsdóttir leikkona Sölku Völku eftir Halldór Laxness. Umfjöllunin spannar tvo þætti þar sem þær kafa ofan í söguna, persónurnar og samfélagið sem verkið lýsir, auk þess að ræða áhrif bókarinnar og hvers…

  • Skólastjórinn valin bók ársins á Sögum 2026

    Skólastjórinn eftir Ævar Þór Benediktsson var valin bók ársins á verðlaunahátíðinni Sögur 2026, þar sem börn um allt land kusu sitt uppáhalds menningarefni síðasta árs. Auk þess hlaut bókin verðlaun fyrir myndlýsingu ársins, en myndlýsingar bókarinnar eru eftir Elínu Elísabetu Einarsdóttur. Sögur eru verðlaun barnanna sjálfra og endurspegla það efni sem hefur höfðað mest til…

  • Staðfestur skilafrestur fyrir Sólfaxa

    Lumar þú á hugmynd að myndríkri bók? Verðlaunasjóður íslenskra barnabóka auglýsir eftir óútgefnum handritum að myndríkum bókum til að keppa um Sólfaxa – íslensku barnabókaverðlaunin. Sigurvegarinn hlýtur 1.500.000 krónur í verðlaun auk þess sem handritið kemur út á bók haustið 2027. Allar nánari upplýsingar og reglur keppninnar má nálgast með því að smella HÉR. Skilafrestur…

  • Ævar, Birna og Jón St. hlutu Barnabókaverðlaun Reykjavíkurborgar

    Ævar Þór Benediktsson, Birna Daníelsdóttir og Jón St. Kristjánsson hlutu Barnabókaverðlaun Reykjavíkurborgar sem afhent voru við hátíðlega athöfn í Höfða. Ævar Þór hlaut verðlaun fyrir Skólastjórann í flokki frumsaminna verka, Birna Daníelsdóttir fyrir Ég bý í risalandi í flokki myndlýsinga og Jón St. Kristjánsson fyrir þýðingu sína á Undrarútunni. Við óskum þeim innilega til hamingju…

  • Einar Már Guðmundsson hlýtur Verðlaun Jóns Sigurðssonar

    Rithöfundurinn Einar Már Guðmundsson hefur hlotið Verðlaun Jóns Sigurðssonar forseta árið 2026. Verðlaunin voru afhent við hátíðlega athöfn í Jónshúsi í Kaupmannahöfn á sumardaginn fyrsta. Í rökstuðningi segir að Einar Már hafi lagt mikilvægt framlag til að efla tengsl Íslands og Danmerkur með ritstörfum sínum og menningarstarfi. Hann sé einstakur sagnamaður með ljóðrænan og kraftmikinn…

  • Skólastjórinn tilnefnd til barna- og unglingabókmenntaverðlauna Norðurlandaráðs

    Skólastjórinn eftir Ævar Þór Benediktsson, með myndum eftir Elínu Elísabetu Einarsdóttur, hefur verið tilnefnd til barna- og unglingabókmenntaverðlauna Norðurlandaráðs 2026. Í umsögn dómnefndar segir meðal annars að bókin „tali skýrt inn í umræður á hverjum tíma um skólakerfið, völd og gjá í samskiptum kynslóðanna“ og að höfundi takist „með húmor og hlýju að sýna hvernig…

Nýtt frá Forlaginu

Karfan þín

Valmynd