Tómas Zoëga

Tómas Zoëga (f. 1993) stundar loftslagsrannsóknir við Háskólann í Osló en skrifar jafnframt barnabækur og hefur hlotið bæði verðlaun og viðurkenningar fyrir sögur sínar. Fyrsta saga hans, Vetrargestir, kom út á hljóðbók árið 2019 en árið 2020 unnu þau Sólrún Ylfa Ingimarsdóttir samkeppni um jóladagatal Borgarbókasafnsins með sögunni Nornin í eldhúsinu.

Þau Sólrún héldu farsælu samstarfi sínu áfram og gerðu þrjár bækur enn um sömu persónur en önnur sagan í röðinni, Skrímslavinafélagið, var bæði tilnefnd til Barna- og unglingabókaverðlauna Norðurlandaráðs og Barnabókaverðlauna Reykjavíkurborgar. Sú þriðja, Stórkostlega sumarnámskeiðið, var einnig tilnefnd til Barnabókaverðlauna Reykjavíkurborgar.