Um bókina
Þegar lík af konu finnst í hesthúsi ofan við Hafnarfjörð gefst Helgu óvænt tækifæri til að leiða sína fyrstu rannsókn hjá ofbeldisbrotadeildinni. Til liðs við sig fær hún lögreglumann úr umferðardeildinni, hinn tröllvaxna og dula Bjarka. Smám saman verður þeim ljóst að þau leita kaldrifjaðs fjöldamorðingja og að tíminn til að bjarga næsta fórnarlambi er að renna frá þeim. Rannsóknin leiðir þau inn í óhugnanlegustu afkima myrkranetsins þar sem allt er falt fyrir rétta upphæð.
Dýpstu myrkur er hraður og grípandi spennutryllir um hatur, siðblindu og skelfilegar afleiðingar áfalla í æsku.
Að baki tvíeykinu Hjorth & Thorsson standa sænski kvikmyndaframleiðandinn og handritshöfundurinn Michael Hjorth, sem áður hefur skrifað feikivinsælar glæpasögur í félagi við Hans Rosenfeldt, og íslenski leikarinn, leikstjórinn og handritshöfundurinn Bjarni Haukur Þórsson, sem sló fyrst í gegn í einleiknum Hellisbúanum en hefur undanfarin ár búið og starfað í Svíþjóð.
