Örvæntingarsúlan og eftirvæntingarsúlan, tannhvassar drottningar, rassragir menn til forna og óvissuferðir í grænan lund er meðal þess sem ber á góma í Hinni hliðinni.

Guðjón Ragnar Jónasson bregður hér upp svipmyndum úr menningarheimi sem mörgum er hulinn, segir grátbroslegar sögur úr leikhúsi næturlífsins á Laugaveginum en gluggar jafnframt í fornsögur og rifjar upp áfanga úr langri og strangri baráttu fyrir réttindum og sýnileika.