Þú ert hér://Kóngulær í sýningargluggum

Kóngulær í sýningargluggum

Höfundur: Kristín Ómarsdóttir

Beitt, myndræn, ægifögur, óhugnanleg – ljóð Kristínar Ómarsdóttur eru engu lík. Hversdagur umbreytist í ævintýri, draumur í hrylling, beinaber veruleikinn blasir við – ljóðmál Kristínar hjúpar og afhjúpar. Kóngulær í sýningargluggum er bók sem hrífur og skelfir.

Kristín Ómarsdóttir er fædd 1962. Fyrsta leikrit hennar var frumsýnt 1987 og sama ár kom fyrsta ljóðabókin út. Síðan hefur hún sent frá sér skáldskap af ýmsu tagi.

Verð 3.390 kr.

Gerð SíðurÚtgáfuárVerðMagn
Mjúkspjalda932017 Verð 3.390 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / /

10 umsagnir um Kóngulær í sýningargluggum

  1. Eldar

    „Myndmálið er afar sterkt, stundum allt að því yfirþyrmandi, og ljóðavefur Kristínar heldur okkur föngnum, því hann er samtími okkar sjálfra. Kóngulær í sýningargluggum er afar óvenjuleg, einstaklega sterk og ögrandi ljóðabók og allar líkingar og lýsingar opna nýjar víddir og nýja sýn á heiminn.“
    Maístjarnan 2018, ljóðabók ársins 2017 / Rökstuðningur dómnefndar

  2. Eldar

    „Í ljóðum Kristínar hefur allur óþarfi verið skorinn burt, það er skerpt á stökum orðum sem stingast upp af blaðsíðunum, bara kjarninn stendur eftir, gljáandi og beittur og lesendum er látið eftir að kljúfa hann.“
    Steinunn Inga Óttarsdóttir / Víðsjá, RÚV

  3. Árni Þór

    „Ljóð Kristínar fjalla um samtíma, samhengi og samfélag; eru myndræn, táknþrungin og brjóta upp hið viðtekna. Þau falla ekki að hefðbundnum væntingum um samband orða og hluta, eru torskilin og áleitin og ofan í kaupið fáránlega fögur og seiðandi.“
    Steinunn Inga Óttarsdóttir / RÚV.is (Bestu íslensku skáldverk ársins)

  4. Árni Þór

    „Kristín Ómarsdóttir er án vafa eitt okkar fremsta ljóðskáld nú á tímum. Hafi einhver verið í vafa um það ætti þeim hinum sama að nægja að lesa Kóngulær í sýningargluggum þar sem Kristín tekur lesandann enn víðar um völl tilfinninga með því að bjóða ævinlega upp á ný og óvenjuleg sjónarhorn, sjónarhorn sem manni datt ekki í hug að væru til, en eru auðvitað sjálfsögð eftir lestur ljóða hennar. Hún er eitt þessara skálda sem alltaf eru að skapa heiminn upp á nýtt fyrir okkur lesendur.“
    Gauti Kristmannsson / RÚV.is (Bestu íslensku skáldverk ársins)

  5. Árni Þór


    „Kristín er eitt fremsta skáld sinnar kynslóðar … Heimurinn í verkum Kristínar er hennar einnar, og enginn annar skrifar neitt í líkingu við texta hennar. Texta sem getur verið svo undur viðkvæmnislegur og fyndinn í senn, óræður en þó kraftmikill, byggist iðulega á afar persónulegum táknheimi … göldróttur texti …“
    Einar Falur Ingólfsson / Morgunblaðið

  6. Árni Þór

    „… ljóð hennar eru í senn heillandi fögur og bullandi óþægileg … Orðblár tungubroddurinn stingur sér inn í þægindarammann og áður en veit hafa þræðir kóngulóarvefsins vafið sig um vitundina.“
    Úlfhildur Dagsdóttir / Bókmenntir.is

  7. Árni Þór

    „Kristín er meistari hins óvænta, mynda og hugrenningatengsla sem koma lesandanum í opna skjöldu en eru samt svo sjálfsögð og viðeigandi eftir að þetta listaskáld hefur tengt þau. Hér færð hið hversdagslega ævintýralegan svip … En víða leynist einnig óvægin gagnrýni á neysluhyggju samtímans og hversu gagntekin við erum af einskisverðri afþreyingu.“
    Steingerður Steinsdóttir / Vikan

  8. Árni Þór

    „Feykilega magnaður vefur …“
    Þorgeir Tryggvason / Kiljan

  9. Árni Þór

    „Hún er svo skemmtileg og það er svo mikil leikgleði í tungumálinu að hvert einasta ljóð kemur manni á óvart, reynir á mann, er fyndið, spennandi, frumlegt og ferskt alltaf … En svo er líka alvarlegur undirtónn þrátt fyrir alla þessa leikgleði … Það er svo mikið þarna!“
    Sunna Dís Másdóttir / Kiljan

  10. Árni Þór

    „Einn af okkar stóru, mjög virtu höfundum.“
    Egill Helgason / Kiljan

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund