Um bókina
Langá á Mýrum er ein af bestu laxveiðiám landsins og er stangveiðihefðin rík á bökkum hennar. Laxveiðisaga árinnar er litrík og nær langt aftur. Þannig eru til skrifaðar veiðiskýrslur árinnar aftur til ársins 1900. Í þessari bók, sem er önnur bókin í nýrri ritröð um íslenskar laxveiðiár, tekur Guðmundur Guðjónsson, ritstjóri fyrri bókarinnar, um Laxá í Kjós og Bugðu, saman fjölbreytt efni um ána. Veiðistaðalýsingu og ágrip af sögunni auk þess að skrá hugleiðingar og veiðisögur all margra veiðimanna sem komið hafa við sögu á bökkum Langár.
Bókin er ríkulega skreytt myndum Einars Fals Ingólfssonar, ljósmyndara á Morgunblaðinu, sem hefur ma. sérhæft sig í stangveiðiljósmyndun. Einnig er að finna í bókinni fjölda eldri mynda í sérköflum sem tengja bókina fortíðinni þótt hún komi út í nútíðinni.
