Þetta er sönn saga um lygi. Hún segir frá lífi í skugga ótta, þráhyggju og hægslítandi drykkju sem bætir blekkingu ofan á blekkingu þangað til lífið er orðið ein samfelld lygasaga.

Linda Vilhjálmsdóttir hefur um árabil verið eitt okkar fremstu ljóðskálda. Hér sýnir hún á sér nýja hlið sem prósahöfundur í verki þar sem dregin er upp sterk mynd af annarlegu hugarástandi.

Með húmor, innsæi og stílgáfu gengur hún á hólm við sjálfa sig og lygi lífs síns og segir í leiðinni sannleikann og lygina um mannlegt eðli.