Um bókina
Hrekklaus kennari er einn heima í makindum sínum þegar kattarskömm nágrannans stekkur skyndilega inn um gluggann hjá honum. Þessi hversdagslegi atburður verður til þess að hann kynnist rithöfundinum nágranna sínum og saman lenda þessi dyggðaljós í hinum mestu hremmingum.
Þessi bók er sjálfstætt framhald tveggja síðustu bóka höfundar, Andsælis á auðnuhjólinu og Blá nótt fram í rauða bítið. Í henni leiðir höfundur saman aðalpersónur þeirra bóka og spinnur sögu þeirra áfram af leiftrandi frásagnargleði. Hér er því á ferðinni kostulega saga um tvo meðaljóna í Reykjavík nútímans, en jafnframt er sagan skörp rannsókn á íslensku samtíma og þeim ólíkindum sem í honum felst.
