Ævintýrið er rétt að byrja

  • Höfundur: Ritstjórn Forlagsins
Birgitta Sif Jónsdóttir

Helga Birgisdóttir skrifar lofsamlega um Ólíver eftir Birgittu Sif í vefritið Spássíuna í gær, um það leyti sem verið var að veita höfundi bókarinnar Dimmalimmverðlaunin fyrir framúrskarandi myndskreytingar. Helga byrjar á því að hrósa sjálfum prentgripnum: „Ólíver er ætluð yngstu börnunum og söguna er hægt að lesa oft og mörgum sinnum. Bókin er í stóru broti og „liggur vel“ á borði, þ.e. hún helst vel opin og það er auðvelt að fletta síðunum, en þetta skiptir miklu máli fyrir litla fingur og búka sem ekki eiga auðvelt með að sitja með bækur í kjöltunni. Pappírinn er sterklegur og ætti að þola harkalega meðferð – sem oft eru örlög bóka er ætlaðar eru yngstu kynslóðinni.“

Þá greinir hún bókina skemmtilega – söguna af einfaranum Ólíver sem vill helst ekki eiga samskipti við aðra: „Ólíver kann raunar best við sig í félagsskap bangsanna sinna og gerir þá að þátttakendum í hverjum leik – og leikirnir eru ansi margir. Ímyndunarafl barnsins og fjör birtist ljóslifandi á síðunum þar sem pappakassi breytist í úlfalda, sófagarmur er hrörleg brú, gullfiskar úr pappír ummyndast í lífshættulega hákarla og sandkassaleikur verður fjársjóðsleit.

Helga tekur einnig eftir því sem aðeins myndirnar sýna: „… undir lok ferðalagsins hittir hann Ólavíu, stelpu sem hann hefur aldrei séð áður. Samt var hún þarna allan tímann, þau vissu bara ekki hvort af öðru. Þegar bókin er skoðuð vandlega sést Ólavía á mörgum síðum, með nefið ofan í bók eða upptekin af bangsanum sínum, og alveg jafn ein og Ólíver.“

Við hjá Forlaginu tökum undir lokaorð dómsins þar sem segir: „Í lok bókar er besta ævintýrið rétt að byrja eins og sést á síðustu opnunni þar sem búið er að strika yfir orðið „endir“ og undir stendur „byrjun“. Vonandi er það rétt og að lesendur fái í framtíðinni að fylgjast með fleiri ævintýrum Ólívers.“

Birgitta Sif vinnur um þessar mundir að nýrri bók sem væntanleg er á næsta ári.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd