Að skilja landið sitt

  • Höfundur: Ritstjórn Forlagsins
Vegvísir

Á dögunum kom út glæný bók eftir ungan jarðfræðing, Snæbjörn Guðmundsson, sem ber nafnið Vegvísir um jarðfræði Íslands. Bókin fjallar á mannamáli um öll helstu jarðfræðiundur Íslands og frábær ferðafélagi fyrir alla þá sem hyggja á upplýsandi ferðalög um landið. Fjallað er um jarðfræði og jarðsögu 100 áningarstaða í öllum landshlutum, sagt frá því hvernig staðirnir mynduðust, hvað einkennir þá og síðast en ekki síst hvað þar er merkilegast að skoða.

Bókina prýða rúmlega 200 glæsilegar ljósmyndir og greinargóð kort.

Ritun bókarinnar tók um þrjú ár en upphaflega var ætlun höfundar að taka saman á einum stað lýsingar á mörgum af þeim stöðum sem ferðamenn sækja og þykja sérstakir sökum jarðfræði sinnar. Segja má að efniviður þessarar bókar liggi í þrotlausri og áratugalangri vinnu fjölda jarðfræðinga og er framlag bókarhöfundar í raun aðeins það eitt að taka efnið að nokkru leyti saman og matreiða fyrir þá sem vilja fræðast um jarðfræði landsins. Bók þessi er ekki hugsuð sem uppflettirit heldur er hér mun frekar um stuttar jarðfræðilýsingar til gagns og gamans, glögg og fræðandi lýsing á náttúru Íslands.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd