Náðu flugi með Villa!

  • Höfundur: Ritstjórn Forlagsins
Skutlubók Villa

Skutlubók Villa er komin út! 17 skemmtilegar skutlur og leikir sem sameina alla fjölskylduna.

Það er enginn vandi að smíða listflugvél, geimskip eða ofurhetjuflaug, það eina sem þarf er dálítil sköpunargleði og góðar leiðbeiningar. Í Skutlubókinni kennir Vísinda-Villi krökkum á öllum aldri að búa til alls kyns skutlur úr einfaldasta efniviði í heimi – einu pappírsblaði! Með ímyndunaraflið að vopni má svo halda endalaust áfram, betrumbæta skutlurnar, búa til nýjar og láta þær fljúga lengra og lengra.

Villi hefur getið sér gott orð fyrir vandað og fræðandi barnaefni. Vísindabók Villa og Vísindabók Villa 2 hlutu frábærar viðtökur hjá íslenskum börnum og fjölskyldum þeirra. Sú fyrri var tilnefnd til Íslensku bókmenntaverðlaunanna í flokki barnabóka og valin besta íslenska barnabókin hjá bóksölum landsins.

Villi óskar öllum flugköppum góðrar ferðar inn í leyndardóma loftaflsfræðinnar.

Ekki nóg með það heldur fylgja 20 litrík skutlublöð bókinni svo hægt að byrja strax!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd