Álfrún Gunnlaugsdóttir látin

  • Höfundur: Ritstjórn Forlagsins
Álfrún Gunnlaugsdóttir
Álfrún Gunnlaugsdóttir

Álfrún Gunnlaugsdóttir, rithöfundur og prófessor, er látin. Álfrún var fædd í Reykjavík 1938. Eftir stúdentspróf stundaði hún nám í bókmenntum og heimspeki á Spáni og í Sviss og varð að námi loknu fyrsta konan sem ráðin var í fasta stöðu við heimspekideild Háskóla Íslands. Þar var hún lektor frá árinu 1971, síðar dósent og loks prófessor í almennri bókmenntafræði allt til ársins 2006. Hún var sæmd heiðursdoktorsnafnbót við íslensku- og menningardeild Háskóla Íslands og var heiðruð fyrir störf sín með riddarakrossi hinnar íslensku fálkaorðu.

Fyrsta skáldverk Álfrúnar var smásagnasafnið Af manna völdum sem út kom 1982 og eftir það sendi hún frá sér sjö skáldsögur. Sú seinasta, Fórnarleikar, kom út 2016. Fyrir fyrstu skáldsögu sína, Þel, hlaut Álfrún bókmenntaverðlaun DV og tvær bóka hennar, Yfir Ebrofljótið og Rán, voru tilnefndar til Íslensku bókmenntaverðlaunanna. Þá var Álfrún þrisvar tilnefnd til Bókmenntaverðlauna Norðurlandaráðs, fyrir skáldsögurnar Hringsól, Hvatt að rúnum og Yfir Ebrofljótið. Nokkur verka hennar hafa verið þýdd og gefin út erlendis.

Forlagið sendir ættingjum og vinum innilegar samúðarkveðjur.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd